İnvestorlar
bp müştərilərinə həll yolları təqdim edən inteqrasiya edilmiş enerji şirkəti olmaq strategiyasını davam etdirir
2025-ciilin dördüncü rübünün nəticələri
Əsas hədəflərimiz olan pul vəsaitlərinin hərəkətinin və gəlirliliyinin artırılması, xərclərin azaldılması və balans hesabatının gücləndirilməsi istiqamətində əldə olunan müsbət irəliləyişlər bp-ni daha sadə, lakin daha güclü və yüksək dəyərə malik şirkətə çevirməyimiz kimi ümumi məqsədimizə töhfə verir.
Əməliyyatlarımızı müvəffəqiyyətlə davam etdirərək, biznes fəaliyyətimiz boyu daha bir rübü yaxşı göstəricilər ilə başa çatdırmışıq. 2025-ci il üçün planlaşdırılan altı əsas neft və qaz layihəsinin hamısı həyata keçirilməkdədir, o cümlədən dördü qrafiki qabaqlamaqla irəliləyir. Amerika Körfəzində yeddinci hasilat mərkəzimizin işə salınmasını təsdiqləmişik və kəşfiyyatda yeni uğurlara nail olmuşuq. 3-cü rübdə müştərilərlə əsas fəaliyyətlərdən rekord səviyyədə mənfəət əldə etmişik, emal isə rentabelliyin daha yüksək olmasını təmin edib. Eyni zamanda, investisiyaların çıxarılmasından əldə edilən gəlirlərin bütün il ərzində artacağını gözləyirik ki, bunun əsasını da aktivlərin satışına dair bağlanmış və ya elan edilmiş təxminən 5 milyard dollar dəyərində müqavilələr təşkil edir. Xərclərin azaldılması, balansımızın gücləndirilməsi, habelə pul vəsaitlərinin axınının və gəlirliliyin artırılması istiqamətində əhəmiyyətli irəliləyiş əldə etməyə davam edirik. Planlarımızın icrasını sürətləndirməyə çalışırıq, o cümlədən, əməliyyatlarımızı sadələşdirmək üçün fəaliyyət portfelimizi hərtərəfli nəzərdən keçirir və xərc göstəricilərinin və səmərəliliyin daha da yaxşılaşdırılmasını hədəfləyirik. Hələ görüləcək çox işlər var, lakin biz sürətli templərlə irəliləyir və bp-nin investorlarımız üçün daha çox dəyər yarada bildiyini və yaradacağını nümayiş etdiririk.Kərol Houlmüvəqqəti baş icraçı direktor
İnvestor barədə 2023-cü ilin yenilikləri
BP neft və qaz, həmçinin, bioqaz biznesini diqqət mərkəzində saxlayaraq, investor barədə yeniliklərin təqdim olunması üçün 10-11 oktyabr 2023-cü il tarixlərində Denver şəhərində keçirilən tədbirə və bpx şirkətinin Perm yatağındakı əməliyyatlar ilə tanışlıq məqsədilə təşkil edilən səfərə ev sahibliyi etmişdir
Niyə bp-yə investisiya qoymalı
Hesab edirik ki, bp-nin səhmdarların dəyərinin uzunmüddətli artımına təkan verəcək cəlbedici investor təklifi var və bu məqsədlə biz əsas diqqətimizi transformasiya prosesimiz çərçivəsində öhdəliklərimizi yerinə yetirməyə sadiq qalmaqla yanaşı Beynəlxalq Neft Şirkətindən (BNŞ) İnteqrasiya edilmiş Enerji Şirkətinə (İEŞ) çevrilməyə yönəltmişik. Həmçinin inanırıq ki, bununla cəlbedici gəlir əldə edə biləcəyik.